3447. 1638 februari 8. Van Willem de Groot.1

Frater optime,

Tuas, quas 2. hujus novi anni ad me dedisti, litteras2 nuper accepi; fuerunt enim ad Reigersbergium3 missae Ultrajectum, qui reversus eas ad nos retulit.

Jucundum mihi est intelligere te a Strateno4 non ineleganti carmine celebratum5.

Pro fideli, quod mihi in mea causa suppeditas, consilio6 gratias ago infinitas et gaudeo meas cogitationes tibi probari; non credas, quam me divexaverint amici importune molesti. Quo in loco jam res ea sit, e posterioribus meis7 precipere poteris. Is, de quo tunc scripsi8, a Servio9 propellitur, ut illud muneris suscipiat, qui spem illi facit brevi succedendi Tertulliano10, cujus et eum et alios jam satietas cepit. Et jam huic alius destinatur locus, quem ambierat Charisius11 jam mortuus.

76

Quomodo jam hic vivatur, melius faudo quam scribendo perciperes: uxorem tuam et filiam12 expecto, sed imprimis Petrum13, quem jam in itinere esse credo.

Aqua, quae nobis magnam omnium, quae victui necessaria sunt, copiam afferre solet, nunc omnia nostra sata corrupit; tandem desaeviente hyeme montes glaciales in fluvio enati evanuere Vahali suum cursum permittentes, unde et Rehno speratur omnium calamitatum restauratio.

Vale, frater optime, et alias plura expecta; nunc me vespertinum tempus a scribendo supersedere jubet.

Hagae, VIII. Febr. 1638, quo die Imperator theologus14 magnificus Leidae rector creatus est.

Tibi obsequentissimus frater
Guilielmus Grotius.

Adres: A Monsieur monsieur Grotius Ambassadeur de la Reine et couronne de Suède prez le Roy Trèschrestien A Paris.

In dorso schreef Grotius: 8 Febr. 1638 W. de Groot.

En boven aan de brief: Rec. 18 Febr.