3465. 1638 februari 20. Aan Willem de Groot1.

Frater optime.

Literae tuae 8 Februarii scriptae2 delectant me eo maxime, quod te generosi consilii non poenitet. Melius erit ferri, quo ventusque gubernatorque trahent vos quam magno labore malum aut sibi aut publico quaerere: illud si vobis ἰᾶσϑαι τα ἀνίατα, quod vetant Asclepiadae, hoc si constituas συμμαίνεσϑε μαινομένης. Lege Ciceronis epistolas scriptas toto triennio ante Idus Martias.

Petrum3 quam celerrime mittemus. Uxor deliberat non tam de itinere quam de itineris tempore.

Gaudemus Vahalim ad modestiam rediisse. Idemque Rhenus faciat, optamus. Satis etiam sic ibi malorum erit.

101

De rebus privatis tuis nostrorumque omnium quam saepissime doceri gaudebimus. Uxor4, liberi5, amicique vestri bene valeant.

Tibi obligatissimus frater
H. Grotius.

20 Februarii 1638.

Gronovio6 cum salute meas des rogo literas7.