Search
Add panel
[tiler debug info]
Choose a letter
Mi frater,
Gaudeo e literis, quas 15 Februarii dedisti2, parentum3 mediocrem valetu-
116
Advocatus Magister4 laudatores multos habet: qui imitetur adhuc neminem.
Crassa fuit, ut recte judicas, Crassi5 culpa rem suam ad aliena deferentis arbitria.
Non his juventus orta parentibus Infecit aequor sanguine Punico6.Gaudeo Nasicae7 convenire vetus nomen viri civisque optimi. De Servio8 semper ita judicavi, ut nunc res docet. Est aliquid certum apparuisse ejus rei argumentum, ne posthac spes vana credulos lactet, quod Paulo9 non tam sua quam aliorum sequenti consilia diu evenit. Callistratus10, qui hac de re diu haesitavit, nunc decipi desiit. Hermodori11 liberis aliae quaerendae sunt fideliores amicitiae.
De imaginibus12 memor sis rogo et de chartis. Itemque de iis, quae mihi ad Wassenarium13 desunt et quae post ejus mortem scripta sunt ejus generis.
Non putaram, quantam scribis, fuisse eluviem. Satis imtempestivae sunt in publicis malis tantae privati gaudii ostentationes14.
Si fisci advocatio vacat et, ut aequum puto, ad Zelandum15 defertur, patrocinium Hollandici patrimonii nulli rectius quam Papyrio16 daretur. Et puto fieri posse, si res sit in potestate collegii τῶν λογιστῶν. Paulus nonnunquam forte adjutor, quanquam e longinquo, esse posset. Nam et multa cognoscit et memoria tenet quaedam. Quis ille et cujas sit Somsius17 quarumque opum, scire cupiam et siquid in ea re porro auditur; tum maxime an ejus conatibus se opponant Hollandi aut Frisii aut Foederati Ordines, Henrici Coningii18 non satis scio, quod sit negotium neque nominis reminiscor.
Si quem adolescentem noris, qui belle pingat literas latine, Graecas saltem literas norit, cujus opera domi meae uti possim, velim indicium facias.
117
Scripsit iterum Mileterius19 de Gratia20 ad professorem Sedanensem Amirautium21; benignius de arminianis loquitur eosque lutheranis ait consentire. Mittam exemplum, ubi primum potero. Promisit brevi se mihi daturum et alterum libellum de primatu Petri22, id est, ut ipse explicat, papae. Mallem isto labori supersederet. Quid opus est nos liberales esse in eos, qui omnia rapiunt? Rectius patiemur illos sua tutari, ut poterunt, id est, valde male, quia nulla re mediocri contenti sunt. Habet multa Mileterius non spernenda. Sed nescio, qui factum sit, quod communionem protestantium retinere se, quantum sinitur, dicens omnia tamen loquatur, quae pro romanensibus faciunt; de illis, quae per multa saecula in ecclesia aut potius aula romana culpantur, ne verbum quidem eloquatur. Haec res multum nocet ipsius instituto alioqui non illaudabili.
Quae Episcopius23 et alii super argumento tam diu apud Batavos disputato nunc vero multis hic quoque certaminibus nondum bene compositis praebente materiam scripserit, sitve scripturus, discere avebo; tum vero et haec, quando exitura sint notata Heinsii in Novum Testamentum24 et Procopii editio25.
Quid mihi constituendum sit de institutione familiae meae ad pietatem, postquam Brandanus26 neque praedicta ipsi neque imperia curavit mea, dubitavi saepe. Lutheranus Suedus27, qui hic est, homo est valde ubiquetarius et rudis. Permisi illi, si vellet, Suedice apud me homilias habere. Non vult, quia Suedi pauci sunt, ex Germanis autem lucratur plurimum. Est autem valde eo spiritu afflatus. Lectione Novi Testamenti, Thomae de Kempis28, Erasmi, Puppii29 video meos satis recte ea, quae aut necessaria sunt aut maxime utilia edoceri. Auratus noster30 metuit, ne ipsius privatis rebus noceat, si utar ad docendum coenamque exhibendam ipsius opera. Posterius autem hoc puto pro temporis et locis intermitti sine periculo
118
posse. Siquis esset eorum, qui publicam alicubi vocationem habuissent, perductus postea ad veriores sententias, quae mihi tum in docendo tum in scribendo operam navare vellet, gauderem.Subiit et alia cogitatio, an ad tres quatuorve menses venire huc posset Niellius31, non ut apud nos maneret, sed ut Belgis simul et Gallis perspectum fieret, quale sit illud dogma, quod adeo traducitur. Velim de omnibus hic cogites et amicorum consilia explores.
Chartas meas per alium quem vis Rotterodamensem nautam mitti malim quam cum eo, quem dicis32, idque multas ob causas. Si forte in ejus comitatu ibunt naves complures, aliqua earum uti non abs re erit.
Petrus meus33 diligentia sua satis se probat mihi. Tantum avertendus est de ambitu; quod juvenile est vitium. Et tranquillius vivet et magis rem faciet, si contentus sit causas orare.
Rogo, ubi ad vos venerit, fiet id autem propediem, omnes fori locutiones, omnes libellorum et scripturarum pragmaticarum formulas discat. Quod autem maxime ei inculcandum est, sedulitas est et labor. Hunc, quia fugit meus maximus natu34; in militiam ibit, puto, quasi vero ibi plus sit otii. Sed difficile est isti aetati persuadere, quae sunt optima. Annitamur tamen.
Valete omnes.
Tibi obligatissimus frater
H. Grotius.
Lutetiae, 27 Februarii 1638.
