253

3556. 1638 mei 1. Aan Willem de Groot1.

Frater optime,

Ut alia antehac etiam hanc particulam scripti editi2 ad te mittere volui, ut nostri homines, si non suis id didicerunt experimentis, aliorum ex judicatione discant, quantum ipsis infamiae malique in res evangelicas attulerit synodus ilia λῃστϱιϰή3

D. Vossium4, Hoofdium5 amicosque alios nostri memores vivere gaudeo.

De Aurato6 puto me facturum quod dixi, sed volo eum prius in ecclesiam anglicanam inseri, ne videar ἀφϱήτωϱ, ἀϑέμιστος, ἀνέστιος7.

In Suedia video spem coagmentationis evanescere maxime ob ilia dogmata et agendi modum, de quo jam coepi dicere.

Feci quod potui ad promovendum pacis negotium, consilio, hortatu, exemplo. Res non succedit: feram ut antehac.

Laudo te, quod pietatem in parentes8 ostendis et ἀντιπελαϱγεῖς. Ego precibus id semper facio. Siquid ultra nostrae est opis, non deero.

Uxoris iter quam justis de causis differatur, ipse satis intelligis. Desiderat tamen videre parentes et nostros et suam9. Et faciet, ut primum itinera erunt a milite liberiora. Quod forte citius erit quam speratur, Deus modo annuat.

Petrum10 satis discendi cupidum in tuam do tutelam. Cura quaeso et rem pragmaticam discat sedulo et paris studii amicitiis utatur. Vides quam indulgens sim pater. Filius et maximus11 et ab eo alter12 vitae genus elegerunt a meis destinationibus diversum. Ego me ipsis apto: faveo conatibus; adsum consilio et commendatione. Ille maximus natu brevi ordines ducet eritque, ut spero, nobis non dedecori.

Cubicularius ille13, qui a Padburgio14 commendatur bono in loco est apud nos et amatur a nobis.

De Kinschotio15, quanquam neque ad te neque ad me res pertinet, tamen quicquid evenerit, scire avebo. Habent sane Hollandi, quod cogitent, an ex usu sit ipsorum locum facere alieno beneficio in eo munere, in cujus functione Zelandi partem perexiguam habent. Satis est id ferre, ubi tempus tulerit.

254

Cistam multum exspecto et libros et imagines16.

Principis17 maturata expeditio multum juvabit rem communem.

Sapiens est illud de Brasilianis commerciis captum consilium.

Cal. Maji 1638.

Tui amantissimus frater
H. Grotius.

Mitto tibi scriptum vile decretum Sorbonae18 in Mileterium, ut videas ubique idem esse fatum eorum, qui bacchabus bacchantibus adversantur pacis studio. Librorum Mileterii19 aliquot exempla, quae mihi dedit ipse, mitto ad Treselium20, qui ad te perferenda curabit. Tu partim tibi retine partim da legere dignis.

De Procopii editione21, si quid intelligis, fac quaeso me gnarum.

Cum tua ad nos epistola veniret, jam abierat Losecatius22. Uxor de scripto collybistico accipiet quantum pro ipso impenderat, nec ultra.