Search
Add panel
[tiler debug info]
Choose a letter
Vir praestantissime2,
Typographum velim nobis experiri talem, cui et politica scripta et theologica
498
possim tuto credere. Anthologia3 minimum est inter ea, quae curo. Sed ab hac incipi non abs re erit. Omnino cavendi mihi synoditae, mancipia aulae et id genus faex alia. Quaero bonum civem et bene christianum.Scripsit ad me collega tuus vir Cl. Martinus Hortensius4, cujus ego summam in rebus mathematicis peritiam facio maximi. Gaudeo et ipsi et tibi et vestris rectoribus, quos epistola ipsius nominat, curae fuisse admirandum Galilaei5 repertum. Nocuit ei rei, ut multis aliis, mora. Itaque jam ad collegium inquisitorum, quod est Romae, delatus est eo nomine, quod hoc commentum haereticis propinaverit. Vult quidem eum dux Ethruscus6 in hac causa aequissima tutari. Sed invidiam, dum est recens, declinare vult. Praeterea Solis ad Iovem propinquitas menses octo aut amplius faciet inutiles contemplandis Curetibus7 illis τοῦ Διὸς πεϱιχοϱευταῖς. Itaque videtur has ob causas differendum in tempus aliquod D. Hortensii iter, qua de re ad ipsum scriberem Hortensium, nisi et nunc respondendum haberem literis plurimis et ad Hortensium scriberet D. Adeodatus8, qui mihi ad hanc rem longe splendidissimam promovendam impulsor primum, deinde adjutor fuit. Ego quacunque parte studia et generis humani utilitates promovere potero, faciam id animo volentissimo. Tua autem scripta, tuas epistolas si mihi saepe legere tuisque consiliis uti si liceat, felicem me putabo.
Vale quam optime cum uxore9 et liberis10. Nostri te salutant.
Tuus ut semper
H. Grotius.
XXXI Iulii MDCXXXVIII.
Nescio, an venerint ad te literae meae11, in quibus quaero, quae olim apud Graecos fuerit senarii nota. Deinde rogo, ut norim, quae sit rabbini Manassis12, viri eruditissimi, sententia de loco Deuteronomii XVII, 11, 1213.
In margine van de copie staat: Epistola ad D. Vossium altera est huius temporis scripta in libro literarum politicarum.
